Era la notte, quanno Carmosina
Da lo cafuorchio a l' attentune ascette,
E de corza e de pésole venette
Lo càntaro a ghiettare a la marina.
Me vedde mente iea co Fragostina,
E rossa pe lo scuorno se facette:
Po' tanto a la 'ncorrenno se ne iette
Che le scappai da mano la mappina.
Gridai, tutto scagnato de colore:
“Frémmate, bene mio, n' ave' paura!
Aimé ! Non saie ca te so' servetore ?”
Ma che cchiù grido pe chest' aira scura?
Pe nce atterrare vivo chisto core
Sso càntaro pe me fu sebetura.