O schiecco de Parnaso e d' Alecona,
Addove ogne poeto se nce mmira,
Veramente da te no sciàuro spira
Che me conzola tutta la perzona.
Bello Sgruttendio mio, sona, mo, sona
Ch' a ssa tïorbia toia cede ogne llira,
E se sta n' arma arraggiaticcia d' ira
Tu nce la faie passa' co l' ora bona!
E tanto granne nce chiovellecheia,
Da sso suono e sso canto, la docezza
Che tutte nce conzola e nce decreia.
Tu Napole mantiene co preiezza,
Ca Apollo te donaie na scafareia
De grazia, de conciette e d' allegrezza.