Spechiechia mio, non ha lo Cielo tanto
A me bertute chiòppete a lancelle
Ch' a Napole potesse porta' spanto,
Né so' guarzone a le nove sorelle.
E già tu saie comme pe Cecca io canto,
Che m' ha fatto ste fecate freselle,
E saie c' ha riso cchiù quann' agg' io chianto,
Parennole ste pene bagattelle.
Perzò tu sulo puoie, cantanno doce,
Anze, a Sgruttendio passare le ghiute.
Aiutalo, non vì ca more 'n foce?
Bene mio, se l' apprache, io pe trebbute
Te dongo quatto nespole e na noce,
E no po' de tabbacco, ca sternute.