Veo lo Pennino, Puorto, e beo la Zecca
Che fanno lo greciello e lo sciabbacco:
E ogn' ommo è berde cchiù de no perchiacco
Pe lo delore c' ha, ch' è morta Cecca.
Se strilla da la Lecca nfi' a la Mecca,
Ne chiagne perzì Morte, e parasacco:
Ma st' arma, o Cecca mia, fatt' è na stecca
Pecché t' ha dato Morte chisto schiacco.
Bene mio, chiuove tu da lloco sùso
Addove sì, comme facive 'mprimmo,
Quacche contento a st' arma mia piatuso.
Li guste miei so' ghiute già a lo scimmo:
E tanto cchiù me trovo mo confuso
Ca 'nnanze tiempo sto dinto a lo Limmo.