Cecca se chiamma la Segnora mia,
La facce ha tonna comme a no pallone;
Ha lo colore iusto de premmone
Stato no mese e cchiù a la vocciaria.
Ha l' uocchie de ceféscola o d' arpia,
Ha li capille comme l' ha Protone;
No pede chiatto ha dinto a lo scarpone
Che camminanno piglia meza via.
È cchiù vavosa che non è l' anguilla,
Cchiù saporita che non so' le spere:
Bellottola cchiù assai d' Annuccia e Milla.
S' hai desederio de guadagno avere
Tienela, Ammore, a na gaiola, e strilla:
“A tre tornise chi la vò vedere !”