E be' ? Pecché sì fatta trippaiola,
E trippa vinne ianca e tennerella?
Fuorze pe deventare marïola
E danno trippa arruobbe coratella?
Se de ssa trippa tu me dai na fella
Io te do no cetrulo, o na cognòla:
Non me fa' fare cchiù la spotazzella,
Famme passare tanta cannavola!
Non so' cchiù ommo, cride, ma cuculo
Vedenno ca ssa trippa cchiù me strippa
De suglia, de vregara, o pontarulo.
St' arma è prena de doglia, e se n' allippa:
E pe golìo te manna n' agliarulo
Si no' le daie tantillo de ssa trippa!