A lo Sciaddeo Accademmeco Maccarone
Perché chiagne, Sciaddeo, perché tu tanto
Auto a cuollo la piglie e regnolìje?
Comme pe Narda toia, cosa de spanto,
Tanto mo te sbessicchie e annegrechìje?
N' attocca a te, Sciaddeo, fare sso chianto
Se chella te sganaie ciento golìe;
Lassa chiagnere a me, povero amanto,
Ca de li guste non trovo le bie!
So' fatto già ped essa na fresella,
E si la scontro, perché non me sguarda,
Schiaffa a le gioie meie na pelarella.
Tu no, viato te! , c' haie sempe Narda
E 'mbraccia e 'ncuollo, e sì de chessa sella
Tu lo cavallo, e l' aseno a ssa varda.