Che lècora (na zubba!) e che cardillo,
Che passaro cecato a la gaiola
Pò fare a l' airo maie la cannavola
Che le faie tu, si cante no tantillo?
Che mierolo (ste brache !) sarrà chillo,
Che càrdola o reviezzo, o quale cola
Che n' appila si dice na parola,
Massema si la cante co no trillo?
E chi porrà coietare maie le pene
Che le dà a l' arma chillo becco Ammore
Si correnno non va a trovare a tene?
Sgruttendio, tu che puoie sana no core,
Saname chisto mio, si me vuoie bene!
Vì ca poco nce vò, lo scuro, e more.