Quale lècora maie, quale cardillo
O passaro cecato a la gaiola
Fece cantanno a l' airo cannavola
E le spezzaie lo vuolo no tantillo,
O nfra mierole quale sarrà chillo,
O reviezzolo quale, o quale cola
Che llà no scaca, addove na parola
Se sente de sse toie co quacche trillo?
E chi marfuso sta, chino de pene
De chillo cecavoccola d' ammore,
Auto bene non pò, c' avere a tene.
Pantacchia, già se squacquara sto core
Perché ca Cecca mia no' le vò bene!
Tu l' appraca, che puoi, si no mo more!