Tu 'ncoppa a lo cavallo Pegaseo
Faie li zumpe de sguinzo e le crovette,
E sta gran famma fa scaca' Perzeo,
Che corze pe lo cielo le staffette.
Si be' non porto acchiale, io puro veo
Ca tu piglie 'm — Parnaso li conciette,
Pocca si ghisse addove iette Arfeo
Farrisse allegre l' arme scontradette.
Viato te, che co sso bello suono
E co sso vertoluso e doce canto
A no malato puoie fa' stare buono!
O de Napole mio sbrannore e spanto
Tu nfra poete sì n' ommo de truono,
Puorte lo riso tu dov' è lo chianto.