Già 'ncoppa a lo cavallo Pegaseo
Te sguardo accravaccato a fa' crovette,
Ed assaie cchiù che no' volaie Perzeo
La famma toia corre le staffette.
Tu tanto vuole 'nn auto, ch' io lo beo
Ca te 'nfrùceca Apollo li conciette;
E quanno cante Crio te crede Arfeo
Scappato da le femmene mmardette.
Tant' haie soave e doce chisso suono,
E tanto saporito chisso canto,
Che cchiù de franfrellicche me sa buono.
Tu sì grolia de Napole e sì spanto,
E cchiù che non se sente assaie no truono
Fuie la 'Mmidia da te co no gran chianto.