Quanno 'nzorfata Antonïella sta
Ed a chill' uocchie tiene mente tu,
Comme a scoppetta “tiffe–tuffe e bù”
Te siente, 'mpietto, ca te coglie e dà.
Na mummia, na mesesca te ne fa,
Che pe cient' anne po' non vale cchiù;
Te fa lo core, che maie tale fu,
Comme a tammurro: taratappa–tà.
Ma quanno allegra la resguarde, po',
Forza co la bellezza have perzì
Che dare gusto a tommola te pò.
O core, lo pericolo po' nc' è:
Quanno marfossa sta, fùila, vì,
Sta' 'n cellevriello, ca nce va pe te.