Sempe fu granne lo golìo ched appe
De volere 'm — Parnaso io puro 'ntrare,
Ma fecero ste gamme iappe iappe
Sempe che me mettiette a cammenare.
E si a le bote meccome a sonare
Tu, cetola, me pare che me scappe:
E quanno canto paro d' arragliare,
Perzò a sta vocca meccoce li tappe.
Ma tu che cante, bello, a l' ora bona,
E non faie comme a mene lo taluorno,
Mmierete ave' de lauro na corona.
Nfra tanto io appilo, 'nnanze a te, pe scuorno:
Pocca si cante o chessa mano sona
'Ncante lo sole, e dura cchiù lo iuorno.