Sso panno russo e sso dobretto ianco
Che puorte, Sirvia, so' cose azzellente!
Di': fuorze fosser uovo, o veramente
So' carne e maccarune ? Aimé ch' allanco!
Che me pozza veni' doglia de scianco
Si chesse beste tu non te l' hai tente,
De sango de puorco uno e pe lo manco
De recotta chill' auto, e stai contente.
O tu vieste a presutto ? O è no mmisco,
E mosta chisso panno la crovara
E sso dobbretto ianco lo berdisco?
Ma, oimé, me dace Ammore auto che 'nfrusso,
Ca vùfara m' ha fatto campanara
E corro a spezzacuollo a chesso russo!