Che faie tutto lo iuorno a sso pontone?
Non saie ca Cecca non te pò vedere?
Né a la fenesta maie se vò sedere
Perché staie lloco tu, piezzo d' anchione!
Ma chello che m' abbotta sto premmone
E ca mente che tu no' la puo' avere,
Pecché non aggia io manco 'sfazione
Te contiente ogne 'nfrusso de patere.
De cano d' ortolano haie la natura,
E me fiete de vrògnola a cantàre:
E a diretello, tu me sì na cura!
O razza de vernacchio, tu me pare:
Zoè, ca lo vernacchio non se cura,
Pe 'nfetta' chi l' è attuorno, de crepare!