Quanno cantanno, bello, iappe iappe,
Te n' avea carrïato lo sonare,
E senza fare zelle e manco zappe
Tu meretaste ad Alecona 'ntrare,
Apollo tanto fu lo gusto c' appe
Che mancaie poco ed àppese a pisciare;
Ed ogne Musa corze quanno sappe
Ch' iere sagliuto llà pe le trovare.
Ma Apollo te mettette la corona,
E te portaie po' co le Muse attuorno
A lavarete a l' acqua d' Alecona.
Che maraviglia è addonca si mo 'ntuorno
Addove cante e chessa mano sona
Nce corre l' urmo, la castagna e l' uorno?