Lolla rognosa mia pare na scigna
Quanno le prode e grattase la rogna,
Tanto sauta de sguinzo e dapo' sgrigna,
E pare che mandato aggia cotogna.
Vorria sto core deventasse n' ogna
Che la grattasse dintro a quarche bigna,
Pe farela piscia' de gusto, e nzogna,
Ca mo l' abbruscia quanno se sgraffigna.
Essa chelle carnumme se rascagna,
E pe dolore chiagne, e s' arrecegna,
E dove tocca pare che se 'nzagna.
Conzegname ssa rogna, mo, consegna,
Lolla mia bella, famme sta' 'n coccagna,
De ssa grattosa fa sta carne degna.