Chi t' ascota, o Papocchia, quanno cante,
No 'ntontaro deventa, o mammalucco:
Torna tutto no piezzo comme a stucco,
Né sa se cante, o veramente 'ncante.
Che me sia dato co no vottavante,
E me scola sto naso sempe mucco,
Se tu, cantanno, non daie trucco a mucco
A Petracca, a Marino, a Tasso e a Dante!
Tu chelle cose de lo tiempo antico,
Che l' aveamo pe baia, le faie vere,
Ch' a lo canto corrìje l' aglio e la fico:
Perché se ghisse 'mmiezo a sse padule,
Cchiù che non fece Arfeo correre fere
Corrarriano le torza e li cetrule.