M' aggio sto cellevriello revotato
Tanto, che poco manco l' aggio strutto,
P' essere nfra poiete nnommenato
Ed auza' famma a Napole e pe tutto.
E cossì mille vote aggio tentato
De fa' quacche sonetto o quacche mutto:
Ma a l' utemo me songo po' addonato
Ca n' è pe chiste diente sso presutto.
Sgruttendio, non agg' io chella cocozza
Che dice tu, ch' è grolia de Puorto,
E passarria fi' a lo poeta Vozza.
Tu sì ca sì de Napole confuorto,
E quanno sona ssa tïorbia sbozza
Ogne strummiento dall' Occaso a l' Uorto.