Cola me dice: “Su, cantammo mo
Li sciuscie a Lena”, e n' armonia nce fu:
Io sonaie 'n contrapunto lo crò–crò,
Isso passagge co lo zuche–zù.
“Te vea Contessa, e na Marchesa po',
Disse io cantanno, e de Duchessa cchiù!
Pe marito agge chi a lo core haie tu,
E Re no figlio puozze fa' dapo'”.
Lena s' affaccia 'ncoppa 'ncoppa llà,
No sosamiello tirame e accossì
Me disse: “Rienzo, agge pacienzia, sa”.
Me 'mbrognolaie, ca 'n fronte me cogli':
Da tanno, aimé, st' arma 'nchiaiata sta,
Ch' Ammore 'n sosamiello me feri'.