Giove t' ha fatta allegra, auta e 'nfommata
Marte, e Saturno fredda e senza ammore,
Febbo a sse trezze ha puosto lo sbrannore,
Venere la bellezza t' ha donata;
Dïana t' ha la facce ianchïata
E Merculio t' ha fatta no dottore,
Cupinto t' have l' arte renonzata,
Le Stelle a ss' uocchie dezero lustrore.
Da li quatto alimente n' haie avuto
Acque de grazie e sciato saporito,
Fuoco c' ha miezo munno 'nceneruto:
La terra, ch' è alemento assai comprito,
Te 'mpastai 'mprimmo, e mo pe cchiù trebbuto
T' arragama de lota lo vestito.