Femmene, o vuie che pe parere belle
Li tuppe ve mettite a la spagnola,
E 'mmiezo a tanta nocche e zagarelle
Parite iusto lècore 'n gaiola;
Parlate co lo schiecco comme a cola,
De russo avite 'n facce doie scotelle,
E p' essere tenuta da figliola
Ognuna s' ha calato li chianielle.
Ma na cosa tenite assaie baggiana:
Ed èie lo bestire a chisto taglio
Retunno cchiù d' aniello de quintana.
Site tenute, cierto, de lo quaglio:
E diceno chi veste da campana
Signale è c' ha besuogno de vattaglio.