Cedano 'mprimmo Addanto e Cicco pone
A chisse vierze tuoie, isce bellizze!
Ca de Rosa cantare li carizze
Ponno 'm — Parnaso e 'n ogn' auto cantone.
Ma non pòte accossì sto calascione,
C' ha pe li chiante miei le corde acizze:
E pe lauda' de Cecca chelle zizze
Besognarria che fosse auta perzone.
Io, Smenchia mio, co li scazzamaurielle
Pozzo fa' lo sciabbacco e lo taluorno,
Ca no' spero ave' feste né gioielle.
Ma a te, a suono de cetola e de cuorno
Sarrà ssa capo, comme a fecatielle,
De lauro 'ncoronata attuorno attuorno.