Cierto ca volarrà sto calascione
Fi' 'ncoppa a chelle munte vertoluse
Dove Apollo fa l' uommene confuse
E torna no Dettore babbïone,
Si tu, che nce puoie tanto co le Muse
Che 'n capo t' hanno puosto doie corone,
Nce lo carrìje, e lo faie 'ntrare pone
Prestannole duie vierze tuoie ammoruse.
Oh gran potenzia c' have sso cantare,
Che 'ncanta l' arme, e cchiù chi no' lo crede,
Ma 'n sentirete, po', 'ncigna a spantare.
Tu n' auto Apollo sì, chiaro se vede:
Lo Cielo me te pozza 'mprofecare,
E sta tïorbia mia te 'nchina e cede.