Scuro t' ha fatto Morte, o nigro munno,
Friddo e ghielato e sfortonato, Ammore!
O Cecca mia, a te de vita fore,
E a me 'nforchiato ha dinto a lo spreffunno!
'Nfociuta ha l' allegrezza 'n funno 'n funno,
Ed ha fatto assommare lo dolore:
Aimé, c' have angressato ogne sbrannore
E fatto la bellezza ire a zeffunno.
Aggio a li guste miei avuto schiacco,
E stongo tanto despettuso e affritto
Che me sbodellarria co parasacco.
Già Cecca se l' ha còuta zitto zitto:
E be' ? Che faccio ccà, brutto porchiacco,
Che no' manno chest' arma io puro a mitto?