Ammore auto non e si no' n' angoscia
Che te 'nzavaglia e 'nfroceca la mente
Comme a zoccola roseca, e ne scioscia
Quanta robba hai da patre o da parente.
Ed a la nnuda va, pecché pezzente
Vòle l' ammante, e che la robba sfruscia:
E te fa ghire, po', comme a paposcia
Strillando pe le sepe rente rente.
'Mprimmo te mosta affezïone e bene:
Ma po' comme a gallina scacateia
Si pe sciorta l' agresta manco vene.
Se lo secute, te precepeteia;
Si tu l' ascute, o sfortunato tene!
Co gniuoccole a io 'nfierno te carreia.