Quanno tu suone chisso calascione
E cante chisse vierze vertoluse
Che fanno resta' l' uommene confuse,
E s' è ommo addotto torna bestïone,
Vego ch' Apollo scenne co le Muse
E te metteno 'n capo doie corone:
De lauro èie una, e de mortella è pone
L' auta, pe quanno faie vierze ammoruse.
Viato te, che saie tanto cantare
Che s' uno non te sente no' lo crede,
E beramente è cosa da spantare.
Che passe a lo Cortese già se vede:
Va', che te pozza Apollo 'mprofecare,
Che dove cante tune, ogn' autro cede.