Quinzia schiaffina, Renza e Menechella
Cenza sperduta, Rita e Fragostina,
Perna, Pantacchia, Zoza e Carmosina,
Chiagnite Cecca mia, Cecca mia bella!
Sciccate chesse zérvole, o Ciannella,
Cacapatacche, Vasta e Catarina,
Pommizia, Schiattacantare e Sabbina,
Ciulla, Ciomma, Pordenzia e Pedocchiella!
Chiagnite a crepa core ed a selluzzo,
Ca Cecca è morta, ed è muorto cod essa
Quanto de bello avea sto munno suzzo!
Ma vuie redite mo, vocche de sguessa,
Perché non c' è chi ve fa stare a tuzzo,
E morze chi ve dea la cacavessa.