Sso monte ch' a le spalle hai tu galante
Fuorze de l' arme, o Porzia, è lo recietto?
O li sospire asciute da sto pietto
Ssa gran montagna anchiettero, vacante?
O ammante è de li core ammaure?
O Posileco è chisso de delietto?
O pe fa' guerra a Giove e gran despietto
Monte te faie d' ammore ch' è giagante?
Pecché de le bellizze sì Regina
No Regno è chisso, e te l' ha dato Ammore
Pe ffa' l' anne chi allegra e chi meschina.
No, no, ch' è na montagna de dolore!
Lo sai tu, che nce iste, e co roina
Ne vrociolaste abbascio, o nigro core.