S' a te, Naserchia mio, spaparanzato
Stace Parnaso, e nce puoi 'ntrare e ascire
E pe sso canto Apollo t' è obrecato
Tanto ch' appilo, e no' lo ppozzo dire,
Non è conciesso, po', a tutte trasire
Dove Apollo è de lauro 'ncoronato:
Ed io nfra l' aute tremmo de nce ire,
Non fosse de cotogna laurïato.
Tu sì ca 'n capo mierete corona
Ca a bottafascio faie soniette e a sarme,
E Parnaso ora maie fa zitabona.
Da Bacco a Tilo faie senti' li schiasse,
Moccuso, ed è sso mucco visco a l' arme!
Mucco ammoruso, e chi non sospirasse?