Le radeche tu 'nfùrchie a lo spreffunno,
Cerza, e 'mpizzate a l' arma agg' io li stiente;
Tu gire co li rame, io sguardo a tunno,
Tu frunne ed io speranze do a li viente.
L' aucielle alluogge tune a ciente a ciente,
Ed io sto de penziere chino a funno;
A tte danno li grànnane trommiente,
E Ammore mme ne manna a l' autro munno.
Tu a li viente staie sauda e non te stuorcie,
Chest' arma a li sospire cchiù se 'ntofa,
Io muorto cado e tu secca appaluorcie;
Tu suone, io canto co sonetto o strofa,
Tu co le gliantre toie pasce li puorcie,
Io co sto core mio sazio na scrofa.