Quanno te tengo mente, o Caraddonia,
Na cosa veo tanto belledessema,
Ch' ogn' auta femmenella è na demmonia
A paro de ssa facce lucentessema.
Non se ce mecca Renza e manco Antonia,
Che tanto spuzza de la nobbelessema,
Né Zoza, né Rosella, né Laudonia,
Che d' essere se penza galantessema.
Co tanta zagarelle e tanta scìsciole
Che puorte 'ntuorno a chessa catarozzola
Tu m' arde cheste fecate e ste bìsciole.
Pe ttene Ammore me fa mille trapole:
Ma cierto si n' avisse chessa vozzola
Sarrisse la cchiù bella dinto Napole.