Sse lavra toie, o Nora mia, vavose,
Pe spanto l' have gnenetate Ammore:
Pareno le bavuglie, a lo sbrannore,
Iusto comme a li giglie nfra le rose.
Cedano a bui, o lavra prezïose,
E rubbine e cravunchie lo colore,
Ve ceda l' onna a lo mannare fore
Scumme d' argiento, o vave meie pompose.
O ragne fuorze, e bui, vavuglie, site
Le ragnatele, addove appiccecate
Li core nuoste perdeno le bite?
Sì, sì, da cheste lavra v' arrassate,
O ammante, ca le bave che bedite
Songo de l' arma, oimé, tanta vescate.