Me 'nnammoraie d' Antonia, che ghieva
Bella vestuta a la pontefecale.
Commo so' stato anchione ! E non sapeva
Ch' era sore carnale a lo 'spetale?
Fuorze n' è bero ca chi porta acchiale
Signo è ca senza chille non vedeva?
E cossì chesta (o piezzo d' anemale!)
Vestea sforgiosa pecché non valeva.
Già so' 'ncappato dinto a sto mastrillo,
O mmaro me, ca no sto cchiù 'n coccagna!
E accossì me diceva Masto Grillo:
“È la femmena comme a la castagna,
Mo me n' addono, mo che chiango e strillo)
Ch' è bella fore, e dinto ha la magagna”.