Capo d' Avrunzo s' era 'nnammorato
De Colaspizia, la Segnora mia:
E comme ch' io ne steva 'ncrapicciato,
Nce appe a 'mmattere llà chillo che scria.
Cossì po' nce accordaie Ciullo Scazzato:
Ch' a Colaspizia, 'n frutto, se ne spia,
E chillo ch' essa vò pe 'nnammorato
Che se la gauda, e l' auto che se stia.
Iettemo llàne, ed essa 'n crosïone
P' amante se pigliaie Capo d' Avrunzo;
Ed io, scornato, accossì disse pone:
“Già lo iudizio l' haie mannato a Chiunzo!
E ghiusto faie comme a lo zampaglione,
Che non se posa maie, si no' a lo strunzo”.