Io moro, io crepo, io spasemo ed abbotto,
So' fatto giallo comme na scarola!
Corro a trovare Cecca, e l' ascio sola,
E piglio pe parlare, e maie no' sbotto.
Cierto ca pagarria no piezzo d' otto
Pe le parlare, e fare comme a cola:
Né mpozzo spaporare na parola
Tanto m' agghiaio, e pe schiattiglia 'ngotto!
Vedenno chella facce de recotta,
Sguardanno chillo fronte stralucente,
Tutto me caco de paura sotta.
Aimé ! Ca fuoco 'nchiuso è cchiù potente,
Ca porvera 'nzerrata fa cchù botta,
E pìdeto crepato è cchiù fetente!