Rosa me chiamma: “Viene ccà, Pacicco”,
Ed io nce corro comme a mammalucco:
“Vide sto truocchio ch' a la mano 'nficco?
Ora che dice, mo, ch' è biento o cucco ?”
Restaie a chello dire comme a stucco,
E me teneva conzolato e ricco
Ma lo naso scorrìje comme a lammicco
E lo mostaccio anchietteme de mucco.
Essa lo bedde e me decette: “O becco,
Non vide c' haie lo mucco nfi' a la vocca?
Lo stommaco me vota, aimé, ca iecco !”
Tann' io, co na 'nfernesca chierecocca,
Cossì scornato a chiagnere me mecco,
E po' me schiaffo 'n capo na sagliocca.