De quanto dice tu non n' è tantillo,
O Sguessa, e non volo io tanto pe coppa;
Anze, ch' appriesso a te sta Musa zoppa
Corre, e sta pe l' asci' lo speritillo.
Tu che saie assaie cchiù de Mastro Grillo
E comme a lo Pegaso se galoppa,
Non me fare la varva cchiù de stoppa,
Non me lassa' cchiù arreto, perché strillo.
Priesto via, susso, portame 'm — Parnaso,
Pocca have no golìo, st' arma, che more
De vevere a chell' acqua de Pegaso.
Sulo tu lo ppuoie fa', c' haie sso valore:
Si no' ca cierto marzo me n' ha raso,
E comme a catenaccio io resto fore.