O bella Cecca mia, dove sì ghiuta?
E comme senza me te l' haie sbignata?
Vì st' arma, ca pe asciarete è sporuta,
E de venire a te stace allancata!
E s' a li Campe Aulisie staie seduta,
Recordate de me, n' essere sgrata.
Ma, aimé ! Ca se pe Lete sì passata
St' arma da la mammoria t' è sfuiuta.
Vide sto chianto mio, comm' è a selluzzo?
Tienence mente, mo, si non te strubba,
E bide ogn' uocchio mio, ch' è fatto puzzo!
Ma tu de sse belle arme co la trubba,
Senza penzare a me, che paro struzzo,
Te staïe a piglia' spasso e a fa' catubba.