Cantaie no gran Poeta, e n' auto pone
Secotïaie laudanno le bellizze
De Laura soia, che fecele carizze,
E la trommettïaie p' ogne cantone.
Ma che ? Cedano mo a sso calascione
Li vierze lloro, ca so' fatte acizze!
E si de Cecca laude tu le zizze
Faie 'ncantate resta' mille perzone!
Se ghisse addove li scazzamaorielle,
Sgruttendio, tornarria ogne taluorno,
A lo cantare tuio, feste e gioielle.
Che no vruognolo m' esca comme a cuorno,
Né manciare cchiù pozza fecatielle,
Se no' mierete ave' lo lauro attuorno!