Chesta ch' è nata, oimé, p' accedetara,
E che sillanta core have sperciate,
E c' have millant' arme annegrecate,
La vego fatta mo tricchetraccara.
La porva ch' a le ccarte essa prepara
Pe fa' li tricche–tracche (o canetate!) ,
La porva è de li core c' ha brusciate
Co l' uocchie: auto che Somma o zorfatara!
Nora, sì fuorze Dea de li tormiente?
O la Reggina de li parasacche,
Che redducere vuoi lo munno a niente?
Giove sta a fare trìvole e sciabbacche,
Perché s' è accuorto ca so' cchiù potiente
De li frùgole suoie ssi tricche–tracche.