Sto calascione che me metto 'nzino
E sto taccone che me piglio 'mmano
Pe fare 'mmidia a cchiù de no pacchiano
Me deze Apollo 'mmiezo a lo Pennino.
Oh comme è bello liscio, oh comme è fino!
Ha de cestunia no copierchio sano!
Ogne ncorda che nc' èie è no stentino
Che se sente da Puorto a Campagnano.
Co sto strommiento grazïuso tanto
Voglio cantare cchiù de na canzona,
E spero tutte venceme a lo canto.
Musa, tu che staie 'ncoppa d' Alecona,
Mente de Cecca le bellizze canto
Lavorame de torza na corona!