Leeu ter iaght met ander beesten. DEn Leeu int regieren Prince vande viervoeteghe eerdtsche dieren Metter Coe, Schaep, en andre de iaght aen namen Ten Bosschewaerts in, duer neerstighe manieren Hopende den vangh te deelene t'samen, Elck naer zyn betamen: t'Ghebuerde, loopende door Bosschen en Bramen Dat zy vonden eenen Hert ghevoedt buter maten Die zy bespronghen tot zijnder onvramen Ende zonder verdragh, moester t'leuen laten, Die vermenight es, wat can hem cleen weere baten.
¶ t'Venoysoen zoudmer deelen doe opennaer Maer, Den Leeu sprak: d'eerste deel es d'mijne Ter causen dat ick bem v Heere voorwaer Ende daer naer, t'Weede deel zeyd'hy oock te wesen zijne Midts dat hy hadde ghenomen de meeste pijne Int loopen ten fijne: t'Derde deel oock, als hebbende meest foortsen ghedaen: Wie ieghens t'vierde zeght, met eenen grammen aenschijne Wilde hy wreedelick ieghens hem opstaen: Beter ghegheuen, dan met foortsen ontfaen. Met eenen die meerder is dan ghy Hoe mynder by zij, Wacht v daer mede hebben te doene: Want hoe ghy hem in volght ende staet by, Als hy wil, mach hy Dijn selfs onvry: V hinderlick wesen t'eeneghen faeyzoene.
Cookies on Poetry Cove