Na de wijse Gheeft my te drincken na mijnen Dorst
Actorum. 8. 1EEn Cleyne schaer hier ende daer Verstroyt van Anthechrist boelinne Fel ghehaedt, maer dese is haer Bruydegom een lieve vriendinne,
Sy is deur zijn vyerighe minne1. Cor. 5. 34 Eph. 4. 23 Rom. 6. 4. Col. 3. 10. 4. Esdr. 5. 23. Vernieut van sinne // ende aencleeft Aen hem alleen, van Aenbeginne Sy oyt de minste gheweest heeft Ten eersten can ment mercken an Abel die nijdich wert versleghen De vroomheyt van enoch den man Die in den hemel wert ghedreghen Ghyn gender als noach ter deghen Des heeren wegghen // oock meer dan hy Want als al dander deur den reghen Verdoruen, Godt behielt hem vry Aenschout hoe dat Abram den padt Des Heeren ginck, zijn hoopken cleene Soo vreemde sadt, int ruyme vat Canaen onder heydens ghemeene, Oock en werden ghevonden gheene Dan Job alleene // soo vroom ter tijt Doen hy gheproeft wert met gheweene En wederom gebenedydt Merckt Sodoma en gomora Doen Abraham den heer ginck vraeghen En badt ghestadich om ghena Voor haer, soo gijnck Godt hem ghewaegen Stonden, haer plaegen ontquam na t'schijn Loth met syn drien, tis te beclaghen Datter soo weynich vrome syn Laban versprack Jacob, oock track Esau teghen hem met heyrcrachte, Maer Jacob swack sijnde, ghebrack Hulpe die hy van Godt verwachte De welcke noyt zijn ongheachte Cleyn vroom geslachte verliet ter noot
Veranderde esaus ghedachte En laban hy t'ghewelt verboodt Een hoopken smal int woeste dal Sochten Godts eere op te bouwen Met David altijt bleef t'ghetal Juda seer cleene int aenschouwen, Josep veracht leedt veel benouwen Oock den getrouwen Moyses die stont Met veel perickel in de Landouwen Egipty, alleen hy hem vont Jesabel was tijrannich ras Teghen Godts volck benamse t'leuen Sonder compassy elias Is met noch weynich ouer bleuen Die moesten oock werden verdreuen Oock de verheuen Coningen blent Van Israel en Juda beschreuen Syn meest al van den heer ghewent Doen den Coninck van Babel ginck Een afgodt om t'aenbidden stellen Wat Jongelinck oft oude hijnck Aen Godt buyten sconincx bevellen Warender meer dan dry ghesellen In den fellen tijt der machabeen Waeren soo veel des wets rebellen De vrome van ghetalle cleen Den quaden stam // groeyden op clam In Israel soo dat int vernielen Het goede quam // en seer afnam Psal. 50. 17. Mat. 20. 16. 1. Tim. 2. 15.Men werpt Godts woort achter de hielen De gheroepen in veelheyt crielen Maer weynich zielen vercooren doch De Asiaenen oock afvielen Hoe soudet wesen noch
Dicipels met een goet opset Nam Christum d'ootmoediger binder En, siet, syn net cleen hoopken, het Wert oock op een tijt noch minderJoan. 6. 66 De een liep hier de ander ginder Doen sprack hy in den Apostels hoop Wilt ghy oock van my wicken kinder Neen waer souden wy nemen loop O cleyne ghy // blijft Christum by Al wert den grooten hoop gepresen Ter weerelt, vry ghedinckt dat sy Eeuwich moet lyden onghenesen Sullender oock wel wtghelesen Zalighe weesen als de heer comt Het is te duchten want in desen Ghatet om al te zijn verdoomt Wee die haer handt verheffich spant En de onnosele versteken Boet' en afstant behoeft wel want Seer veele macht sal haer ghebreken Wanneer Godt de boosheyt sal wreken En onbesweken dan sullen staen De goede en vrymoedich spreken Teghen die haer hadden misdaenSap 5. 1
Weest op u hoede
Cookies on Poetry Cove