Na de wijse Antwerpen rijck
WAnneer yemantHeb. 10. 28 Plach Moyses wet te breken Gheen wederstant Deur bermhertich ontsteken Wasser oft die
Moest hem tot steruen buyghen Deut, 17, 11. 2. Cor. 13, 1Deur twee oft drie Warachtighe ghetuyghen Hoe veel te meer sal dan Moeten sterven den man Die Godts eenighen soone Met voeten treet, Ja van Alsulcke daet en can Men hem gheensins verschoone Die onreyn acht T'bloet des testaments mede Twelck hem ghebracht Heeft in reyn heylichede En noch daer by Schent den Geest der ghenaden Steruen moet hy Namaels om sulcke daden Noch veel te meer om dat Hy voormaels heeft ghehadt Het schoone licht der waerheyt Ghekent den rechten padt Maer nu als moe en madt Afdwaelt wt sulcke claerheyt 2, Pet, 2, 22,Die hem na sijn Reyn afwassinghe weder Ghelijck het swijn Legt in den dreck ter neder En als den hont Na dat hy heeft ghespoghen Tselue terstont Weder heeft in ghesoghen Waer wt dat is gheraen Mat, 12, 43Een boose Geest maer saen Veel erger dan te vooren
Tquade ghenomen aen Daerom sal hy ontfaen Meer straffe naer t'behooren Wie sulck afval Moetwillich doet gheschieden Wee dien, hoe sal Hy Godts straffe ontvlieden Hem beter waert Dat hy noyt hier beneven En waer ghebaert Maer wech waere ghebleven Want sijn deel en quartier Sal wesen namaels hier Den poel vol helschen pulfer Vol schrickelick dangier Teeuwich brandende vyer Met peck ende met sulfer Dees pijne grootApoc, 21, 8 Luc, 13, 25 Met suchten ende kermen De tweede doot Sonder eenich ontfermen Hy eruen moet Om sijn rebellich leuen Twelck ouervloet4, esd, 16, 66 Ghetuyghenis sal gheuen Teghen hem als hy blent Sal voor t'oordeel present Staen om t'onfanghen wrake O sondaers van my went Ghy sijt my onbekent Sal sijn des rechters sprake Och oftmen eens Wt dit helsche verdomen Na veel gheweens
Noch ten lesten mocht comen Moer nu en mach Men nimmermeer verwerven Niet eenen dach Dat de pijne soud' sterven O Bitter lyden swaer Oft alle menschen maer V wel te recht deurgronden Vele vreesende daer Vooren, sy souden haer Beter wachten van sonden
Weest op u hoede
Cookies on Poetry Cove