Na de Wijse In Eliseus tijden
BEnhadad eenen Prince Van hoochmoedigher aert3. Reg 20 Heeft Israel Prouince benout ende beswaert En heeft te velde Een ghewelde Van crijchslien vergaert Hy heeft booden ghesonden Tot Achab? watter syn Mach, dat u is bevonden, Het selue is oock mijn Als hy dit hoorde Gaf antwoorde Ja het is al dyn? Soo zullen comen gaende myn knechten in u stadt al wat haer is aenstaende tsy hoedanighen schadt
na haer behaghen sullen draeghen wt v handen dat? Van achab is beraeden antwoorde ghepasseert ick en can niet versmaeden dat gy eerst hebt begeert maer tlaetste, desen mach niet wesen v gheconsenteert Doen swoer hy by zijn Goden als hy nu droncken was Samarij wt te roden maeckent tot stof en as ras om te vechten // ghy krijsknechten doet aen u harnas Godt sprack door eens Propheten mont, tot achab hijer by sult ghy kennen en weten dat ick de Heere zy dees groote hoopen sult doen loopen met een weynich gy Met cleyn getal van mannen achab sloech en verioech menichte van tyrannen benhadad selfs al vroech met cleyn couragie moest schuvagie twas hem spijts ghenoech Doen spraken sy, met ergen ghemoede, haren Godt is eenen Godt der bergen maer laet haer leger tot int vlacke treden wy slaen heden haer tot schand en spodt Benhadad weer gheneghen
sijnde tot strijden, quam met een groot leger teghen de Isralitsche stam om haer te dwijngen dese dyngen achab haest vernam Achab conde te vaster met sheeren hulpe staen deur den vermeten laster van de sijriers gedaen want om dier saken // Godt soud maken syn vyant te slaen Om strijden quamen neder sy ter valeyen, maer Israel sloechse weder soo dat nouwe van haer met groot verschromen // is ontcomen een seer cleyne schaer Dus moest benhadad vluchten met d'ouerbleuen heel sorge, vreese, en duchten hadde hy tsijnen deel en moest in hoecken // plaetse soecken int apheclis casteel Hier deur benhadad, sederdt den aldereersten strijdt, was soo gheheel vernedert, woud achab tsijne quyt maecken, als Heere, nu syn teere knecht hy hem belydt Merckt hoe hy wert gheslaeghen die hem te heffen poocht maer hy die hem can draeghen nederich, wert verhoocht
Want een houeerdich // hert, onweerdich Godt niet en ghedoocht
Weest op u hoede
Cookies on Poetry Cove