Het Walchers liedeboeck

Na de wijse Int aertsche dal

Luc. 12. 32 P[...]. 34. 20 Syr. 2. 5.GHy Cleyn ghetal Dat veel aenstoot moet lyden

Wyt oueral, En wyckt doch niet tot geenen tyden Vant fondament Hout v vroom tot den endt Want, siet, na dit ellendt Sult ghy v Jent verblyden Al v verdriet Dat v ontmoet in alle wycken Dat en is niet By het eeuwighe te ghelycken Want uwe pyn Duert maer een cort termyn Maer t'eeuwich vrolick syn Sal v eyghen erfdeel blycken Oft ghy schoon moet Hier noch lidtsaemelick verdraeghen Die u dit doet Sal het noch Jammerlick beclaeghen Als ghy sult staen Vrymoedich onbelaen Soo sal haer comen aen Een ancxtelick vertsaeghen Voor corte vreucht Salmen een eeuwich claeghen hooren Haere ondeucht Sal haer weder comen te vooren Och wat gheschal Wt groote droefheyt sal Men dan hooren van al Die tquaede hier gyngen orbooren Maer v Jolyt Sal dan aengaen ende beginnen En sult altyt By gode syn ten hemel binnen

Apoc. 21. 13 Sacha 8. 8Een croon sal hy Jonstich opstellen dy Bedinckt eens hoe sult ghy Dan syn vervult met blyde sinnen Princesse Maecht 4. Esd. 2. 43. Apoc. 21. 9.O ghy slans bruydt sonder afkeeren Wel sorghe draegt Gal. 1. 8. Luc. 12. 32.Dat ghy buyten het woort ws heeren Gheensins en doet Ghy sult met vreuchden vloet Ontfaen Godts rycke soet En daer eeuwich trumpheeren

Weest op v hoede