Op de wijse Mijn Ziel maeckt groot den heer
VVIlt Hooren een nieu liet Wat ons matheus bediet Ick salt ons gaen verhalen Hoe Jesus quam ghetreen Wt lant van Galileen In de Jodische palen Doen hy daer int ghemeen Leerde, soo heeft daer eenMat. 19. Hem een vraghe ghegeuen Goede meester segt wat Sal ick doch doen, op dat Ick crijghe t'eeuwich leuen Jesus sprack waerom naemt Ghy my goet, het betaemt D'eenighe Godt maer woude Ghy recht comen in het Leuen ghy moet de wet Neerstelick onderhoude? Welck is het mandament
Dat ick obedient Moet houden ende vyeren? Niet dooden ghy en sult Van Overspel gheen schult En draecht deur v hantieren Steelt niet en hout u vry Van valsch ghetuyghen, ghy Moet uwe ouders eeren Ghelick ghy wilde sijn Euen soo moet ghy dyn Snaesten welvaert begheeren Maer hy dede verhael Dit hebb' ick altemael Van mijn Jeucht onderhouwen Wat ghebreeckt myn noch meer Want ick na dese leer Oyt deden sijn getrouwen Hy sprack ist dat ghy staet Na het volcomen, gaet Vercoopt u goet mits desen Geuet den armen al Want dan eenen schadt sal V in den hemel wesen Ende wilt comen dra Om my te volghen na Maer siet doen hy dat hoorde Terstont den Jongelijngh Bedroeft van Jesum gijngh Swaer viel hem sulck antwoorde Want doen ter tijt besat Hy vele aertschen schadt Schroemde daer van te scheyden Ghiericheyt hem ontrent Was en heeft hem verblent
Waer op oock Jesum seyde Ick segghe u voorwaer Een rijcke die can swaer Het hemelrijck beerven Eer een cabel men sou Aen tnaelden ooghe nou Het deursteken verwerven Doen seyden sy wie can Doch salich werden dan Maer hy sprack sonderlijngen Onmoghelick ist tot Den mensche maer by Godt Is moghelick alle dijngen Hier wel te mercken ist Dat hy Godts rijcke mist Hy die vreck is van gronde Doch den rijckdom is goetEccli. 13. 30, Die hem gebruycken vroet Rechtelick sonder sondeEccli. 14. 1 Maer eenen mammons vrient Den rijckdom niet en dient Want deur sijn vreckichede Soud' hy hem selven wel sluyten wt den hemel Soo den Jongelijnck dede
Weest op u hoede
Cookies on Poetry Cove