Na de wijse Al die in sdoodts Schaduwe Logieren
Actoru 11. 12HErodes een Fel Coninck der Joden Met den sweerde dooden Dede Jacobum Op dat tghemeen Volcx ongonst sy ghevlooden
Heeft hy noch ghebooden Te vanghen Petrum En ginck hem besteden Een ghetreden // rot Crijchsknechten bot De ghemeynten deden Veel ghebeden // tot Haer lieder Godt Ghebonden vast Was hy met den keten Daer toe noch gheseten Tusschen twee crijslien Maer Gode wast Die hem niet vergheten Hadde, want ghesmeten Wert ontstucken dien Deur d'Engel des heeren Syn begheeren // hy Sprack tot Petry Staet op neemt u cleeren En wilt keeren // dy Te Volghen my Doch hier van hadt Petrus weynich hopen Van d'Engel gheropen Dacht twas een vision Want haer de Stadt- Poorte dede open Nerghens voor benopen En waeren sy doen Wachters die sy vonden Die en conden // schaen Noch wederstaen Petrus nu ontbonden
Sach van stonden // aen D'enghel wech ghaen Petrus hem vant Dus los van ghetreure Clopte voor de deure Daer vele int huys Ghelycker hant Baeden tot dier uere Meynden wel ter ceure Het was een abuys Hem binnen sy brachten Na veel wachten // maer Dit wonderbaer Werck, deur sheeren crachten In der nachten // daer Verteld' hy haer Blyschap men sach, Doch wt dit ghehuchte Op een ander vluchte Hy eer lanck termyn? Maer alst was dach Wasser groot gheruchte Een yghelick duchte Watter mochte syn Herodes hem soecken In veel hoecken, liet Maer tis gheschiet In Dit stoute roecken Al syn cloecken // siet Vonden hem niet Mercken men moet Wel op dese saken Hoe het toornich blaken Van het oude beest
Al niet en doet, Al sijn stichten, maken, Tot schande gheraken Deur des heeren Geest, Het en can niet teghen S'heeren zeghen // want Godts stercke hant Strijdt voor die ter deghen Gaen de weghen // vant Beloofde lant
Weest op v hoede
Cookies on Poetry Cove