Na de Wijse Reyn Maeghdelick pijlaer
O Dauidts toeverlaet Schilt en zeker betrouwen Waer op noch staet De Christen kercke vast O ghy blusscher van rouwen Laet u ooghen aenschouwen Den Ouerlast Die my heeft aenghetast Mijn lyden wast Och zalt noch lange zijn
Aldus te moeten deruen // dach Van vreucht, dat ick verweruen // mach T'eynde van alle myn Droefheyt en swaer ghepijn Noyt ellendigher gheen Van yghelick versteken Druck en gheween Is my ghevallen by Soo dat mijn ooghen leken Als volle water-beken? Zelue die my Goe vrienden schijnen, sy Werden party Mijn weluaert, veel fenijn Elck tot mijn persequeeren // schiet, Wenschen, noch en begheeren // niet T'eynde van alle myn Droefheyt en waer ghepijn Hoe groot is het ghetal Der vyanden gheresen Wesende al Borghers in deser stadt Daer ick van haer verknesen Als vremdelyngh moet wesen, Als die al wat Meer achte dan haer schadt T'aensien van dat Claer blynckende aenschijn Twelck niemant nu bespeuren // can Waer door oock sal ghebeuren // dan teynde van alle mijn Droefheyt en swaer ghepijn Onmoghelicken waert In dese quade daghen
(Sonder ghespaert Te syn deur uwe hant) Dat ick soude verdraghen De listighe aenslaghen Van den vyandt, Die my dickwils aenrant Maer u bystant Brynghet al te ruwijn Van my hebt ghy ghedreuen // val Ter tyt // tot ick beleuen // sal T'eynde van alle myn Droefheyt en swaer ghepijn Der draecken watervloet Bereyt haer my te gieten Fel is den gloet Der beproevingen vyer Gheen vreucht mach ick ghenieten Soudet my niet verdrieten Te leuen hier In alsulcken dangier O ghy Princier Ick verwachte van dijn T'ontfaen na dese tyden het Beginsel vant verblyden // met T'eynde van alle mijn Droefheyt en swaer ghepijn
Weest op v hoede.
Cookies on Poetry Cove